Ne vlerësojmë profesionistët e kualifikuar, besnik dhe të përkushtuar si asetin tonë më të çmuar prandaj  ju ftojmë të aplikoni për tu bërë pjesë e skuadrës në Departamentin e Operacioneve, Njësia Back Office në pozicionin:

Senior/Specialist Back Office

Përmbledhje e Pozicionit:

Të kryejë, monitorojë, kontrollojë me korrektësi dhe cilësi të gjitha proceset e punës që kryhen në njësi duke garantuar përputhshmërinë me rregullat dhe procedurat e punës së Bankës, kushtet e përgjithshme të biznesit si edhe kushtet e punës së aplikuara nga Banka.  

Përgjegjësitë kryesore të punës:

  • Shërben si pikë kontakti për të gjitha çështjet dhe problematikat operacionale rutinore në lidhje me ekzekutimet e transaksioneve në sistem dhe procesimet e urdhërave të pagesave nga departamenti i administratës apo departamente të tjera të bankës. 
  • Menaxhon, kontrollon dhe arshivon sipas rregullave dhe procedurave të përcaktuara nga Banka dokumentacionin e transaksioneve të kryera në njësi, në bashkëpunim me Shefin e Njësisë.
  • Ekzekuton në sistem kalimet e pagave si dhe pagesa të tjera duke i kushtuar kujdes aplikimit të rregulloreve operacionale të bankës dhe kërkesave rregullatore në fuqi:
  • Ekzekuton veprimet e pagesave të bankës për furnitorët e palët e treta bashkëpunuese, pagesat e detyrimeve tatimore, pagesat e utiliteteve të Bankës.
  • Administron brenda afateve kohore të përcaktuara në procedurë, urdhër bllokimet/ekzekutimet nga palët e treta dhe procedon me veprimet përkatëse në sistem dhe përgatitjen e kthim përgjigjeve për palët e treta.
  • Administron komunikimin shkresor në lidhje me ILDKPKI në përputhje me procedurën e brendshme të bankës dhe kërkesat ligjore në fuqi.
  • Ka përgjegjësi dhe zbaton kërkesat e ardhura nga Departamenti i Këshillimit Ligjor, per informacion apo bllokim / zhbllokimin e llogarive nga Institucionet e Rëndësisë së Veçantë, sipas procedurave të brendshme të njësisë. 
  • Është përgjegjëse për komunikimin dhe rikonsilimin e raporteve mujore që dërgohen tek palët e treta si: Drejtoria Rajonale Tatimore Tiranë e VIP, Drejtoria e Përgjithshme e Doganave, Dega e Thesarit Tiranë.
  • Është përgjegjëse për monitorimin e ekzekutimit të procesit DD sipas detyrimeve të përcaktuara në Marrëveshjet me Kompanitë Utilitare.
  • Ndjek nga afër rregulloret dhe procedurat që lidhen me operacionet/procedurat ligjore për urdhër bllokimet dhe propozon ndryshime në funksion të përmirësimit të operacionalitetit dhe mbajtjes së marrëdhënieve optimale të Bankës me palët e treta. 
  • Është përgjegjës për të përmbushur gjithashtu detyra të tjera që mund t’i caktohen nga Drejtori i Departamentit/Shefi i Njësisë.

Kërkesat e profilit:

  • Diplomë universitare 
  • Eksperienca ne sektorin bankar përben avantazh
  • Aftësi shumë të mira komunikimi verbale dhe me shkrim;
  • Aftësi për të menaxhuar disa detyra njëkohësisht.
  • Njohuri mjaft të mira të programeve bazë MS Office si dhe të gjuhës Angleze.

Ftojmë personat e interesuar të aplikojnë brenda datës 30 Mars 2025 duke dërguar dokumentacionin si më poshtë:

  • CV dhe letër motivimi 

Dokumentat duhet të dërgohen në adresën e-mail: [email protected].

Mirëpresim aplikime dhe nga Kosova, Maqedonia, Mali i zi,  kandidatë te cilët konsiderojnë transferimin dhe punësimin në Tiranë. 

Ju informojmë se vetëm kandidatët e përzgjedhur do të kontaktohen nga Departamenti i Burimeve Njerëzore.

Union Bank sh.a. deklaron se i përpunon të dhënat personale të aplikantëve mbështetur në Ligjin Nr. 9887, datë 10.3.2008, “Për mbrojtjen e të dhënave personale” dhe Udhëzimin Nr.42 datë 22.07.2014 “Për përpunimin e të dhënave personale të kandidatëve për punë”. Të dhënat personale të aplikantëve janë kryesisht të dhënat e deklaruara nga ata vetë në CV-ve të tyre, gjithashtu dhe të dhënat e marra nga dokumentet e tjera të paraqitura nga ata.

Union Bank sh.a. ka marrë masat organizative dhe teknike të nevojshme me qëllim për të garantuar sigurinë e të dhënave personale që përpunon. Vetëm personeli i autorizuar ka akses në të dhënat personale që përpunon Union Bank sh.a. dhe ky personel ka për detyrë të ruajë konfidencialitetin e të dhënave sensitive.

Individët që aplikojnë pranë Union Bank sh.a. pranojnë dhe janë në dijeni se të dhënat e tyre personale do të përpunohen siç përshkruhet më sipër.

Aplikantët kanë të drejtë të kërkojnë korrigjimin ose fshirjen e të dhënave personale të tyre. Për të ushtruar këtë të drejtë ata duhet të kontaktojnë në [email protected].